Zëvendëskryeministri i parë dhe Ministri i Jashtëm, Behgjet Pacolli në kuadër të samitit të Dubrovnikut është takuar me homologun e tij ministrin e jashtëm të Hungarisë Peter Szijarto.

Pacolli gjatë këtij takimi i ka kërkuar ministrit hungarez vazhdimin e përkrahjes së Kosovës në anëtarësimin në Interpol, procesin në liberalizimin e vizave si dhe në rrugën drejt integrimeve evropiane.

Postimi i plotë:

“Në margjina të samitit të Dubrovnikut takova homologun dhe mikun tim, ministrin e jashtëm të Hungarise Peter Szijarto, të cilin e falenderova për perkrahjen e deritanishme per Kosoven dhe i kërkova vazhdimin e përkrahjes për anetaresimin e vendit tonë ne INTERPOL, procesin e liberalizimit te vizave si dhe ne rrugën e metutjeshme te Kosoves drejt integrimeve evropiane.

Ministri hungarez më siguroi se Kosova do te vazhdoj te kete perkrahjen e Hungarisë nē secilin proces.
Ministri hungarez u interesua edhe për rrjedhën e dialogut ndërmjet Kosovës dhe Serbisë dhe kërkoi që zgjidhja që do të arrihet të jetë stabilizuese për rajonin dhe se Hungaria do te perkrah zgjidhjen që arrihet në mes të dy palëve negociuese”, ka shkruar Pacolli në facebook.